Telearuba Videos & Latest Coverage | The News AccessTheNewsAccess.com™

Title: Min Pres BZK
Runtime: 1:39
Date posted: 4 days ago
Description: Prome Minister Mike Eman a reuni cu Minister di Asuntonan Exterior, Tom Berendsen, pa dialoga tocante e situacion geopolitico den Caribe, specialmente e tensionnan entre Venezuela y Merca. E encuentro a enfoca tambe riba fortalecemento di cooperacion entre Aruba y Hulanda den politica di exterior y desaroyo economico. Prome Minister Eman a expresa su gradicimento pa e sosten y proteccion cu Aruba a ricibi di Hulanda durante e periodo di incertidumbre den region

Title: Min Pres Jetten
Runtime: 4:11
Date posted: 4 days ago
Description: Prome Minister Mike Eman a sostene un encuentro na Den Haag cu Prome Minister di Hulanda, Rob Jetten, pa intercambia idea tocante futuro di Reino, cooperacion entre e paisnan y siguridad den region. Prome Minister Eman tabata acompaña pa Minister Plenipotenciario Mildred Schwengle y Minister Wendrick Cicilia. Esaki ta di tres encuentro entre e dos mandatarionan, caminda ta continua e dialoga riba temanan di importancia pa Aruba, Hulanda y Reino den su totalidad

Title: WKA Championship
Runtime: 2:00
Date posted: 4 days ago
Description: Aruba a conta cu representacion di diferente referee durante e reciente WKA Championship, un evento importante den mundo di deporte di combate. E participacion a brinda oportunidad pa Referee Ricardo Illidge y Jesus Croes gana experiencia internacional y contribui na desaroyo di e disciplina na nos isla.

Title: Frank Arion
Runtime: 1:32
Date posted: 4 days ago
Description: Na Biblioteca Nacional di Aruba a tuma lugar un presentacion dedica na e bida y legado di Frank Martinus Arion, un figura importante den literatura Caribeño. Durante e anochi aki, Gestor Cultural Mirto Lacle a comparti mas detaya tocante e actividad, como tambe a conta mas di e bida di Frank Martinus Arion y su contribucion na literatura y cultura.

Title: Telenoticia 29 October 2026
Runtime: 46:45
Date posted: 4 days ago
Description

Title: Telenoticia 28 October 2026
Runtime: 57:41
Date posted: 5 days ago
Description

Title: Nos Mainta 28 October 2026
Runtime: 2:00:26
Date posted: 6 days ago
Description

Title: Internacional 28 oct
Runtime: 3:16
Date posted: 6 days ago
Description: Autoridadnan di Utah a informa cu a resolve un caso di varios decada bieu y cu ta nombra e asesino Ted Bundy como responsabel. E anuncio a sosode 52 anja despues cu a descubri e curpa di 17 anja di Melissa Smith. Y awe mainta a sosode un accidente falta entreo dos trein na Spanja. Segun autoridadnan tin por lo menos 65 persona a fayece y tin varios herido grave. Fabiola Angela Hernandez tin e siguiente detayenan.

Title: Kiwanis Golf
Runtime: 1:36
Date posted: 6 days ago
Description: Kiwanis Club of Palm Beach a organisa un evento special di golf durante oranan di anochi, cu e meta di recauda fondo pa sostene diferente causa social na Aruba. E actividad ta forma parti di e compromiso di e organisacion pa sigui yuda personanan den necesidad. Presidente di Kiwanis Club of Palm Beach, Christopher Robles, ta brinda mas informacion tocante e iniciativa y e plannan di e organisacion pa aña 2027.

Tres cancha deportivo pa Lasalle College

Title: Tres cancha deportivo pa Lasalle College
Runtime: 1:35
Date posted: 6 days ago
Description: La Salle College a inaugura oficialmente su canchanan nobo di basketball, volleyball y futbol, despues di lunanan di preparacion y trabou. Cu e facilidadnan aki, e scol ta amplia oportunidadnan pa su alumnonan practica deporte y desaroya nan talento den un ambiente mas adecua. Den un entrevista, adjunct-directeur Kynnia Sprok ta brinda mas informacion tocante e proyecto y e importancia di e inversion aki pa e comunidad escolar

Title: Bolas
Runtime: 2:39
Date posted: 6 days ago
Description: Deporte di bolas ta gana mas interes na Aruba. E prome torneo organisa na Centro di Bario Playa Pabou a resulta un gran exito, cu un participacion entusiasma y un ambiente competitivo. E evento a genera hasta interes internacional, caminda un ekipo di Boneiro ya a expresa deseo di participa den un proximo torneo na Aruba. Den un entrevista, Oswald Dijkhof, di Centro di Bario Playa Pabou, ta comparti mas detaye tocante e competencia y posibilidadnan pa futuro.

Title: Salud Halloween
Runtime: 1:34
Date posted: 6 days ago
Description: si bo bishita un cas di spirito den e dianan aki pa Halloween of bo keda cas mira un pelicula di horror, bo no ta boso. Pero nota tur hende ta haya leuk pa mira cosnan cu por causa miedo. Pakico un grupo di persona gusta cosnan spantoso y ta grita y otro grupo ta purba di evita cosnan cu ta causa miedo? Den nos segmento di salud, Fabiola Angela-Hernandez lo splica nos mas dicon un grupo di persona ta enjoy e temporada aki y otronan tin miedo y ta evita esaki.

Title: IPA 21+ Toets
Runtime: 1:50
Date posted: 6 days ago
Description: Recientemente Instituto Pedagogico Arubano tabatin un anochi informativo pa loke ta trata e 21+ Toets. Berthson Boekhoudt di IPA a informa cu e test aki ta pa studiantenan cu no tin un diploma di HAVO, VWO of EPI niveau 4 y cu ta interesa pa haci e opleiding cerca nan.

Title: Festival di Buki 2026
Runtime: 3:21
Date posted: 6 days ago
Description: Preparacion nan ta cla pa e di 34 edicion di Festival di Buki pa Mucha 2026. Durante un conferencia di prensa na Biblioteca Nacional Aruba, Astrid Britten y e coordinador nan di e festival di buki di mucha e anja aki a comparti mas detaye tocante e actividadnan programa pa diabierna, dia 30 di oktober, y e diferente iniciativanan cu lo tuma lugar durante e siman di festival, di 2 te 6 di november.

Title: Breda University
Runtime: 2:58
Date posted: 6 days ago
Description: Durante su bishita na Hulanda, Minister di Turismo, Labor y Transporte, Wendrick Cicilia, a bishita Breda University of Applied Sciences pa explora oportunidadnan di estudio y cooperacion educativo pa hobennan Arubano. E encuentro a enfoca riba fortalecemento di relacionnan cu institucionnan educativo na Aruba y preparacion di futuro profesionalnan, specialmente den sector di turismo y hospitalidad.

Title: Floating Farm
Runtime: 2:50
Date posted: 6 days ago
Description: Aruba ta explora un concepto nobo cu ta combina agricultura, turismo y produccion local di alimento. Aruba Ports Authority, Ministerio di Turismo y Floating Farm a firma un acuerdo di cooperacion pa investiga e posibilidad di establece un “drijvende boerderij” den Oranjestad. E iniciativa por contribui na diversificacion economico y revitalisacion di centro di ciudad. E proximo paso ta evalua si e proyecto ta viabel pa Aruba.

Title: Encuentro VNG
Runtime: 5:20
Date posted: 6 days ago
Description: Prome Minister Mike Eman ta sigui explora e posibilidad di un cooperacion regional entre Aruba, Boneiro y Corsou pa mehora maneho di desperdicio. Durante un encuentro na Hulanda cu burgemeester di Utrecht, Sharon Dijksma, cu tambe ta presidente di "Vereniging van Nederlandse Gemeenten", Prome Minister a presenta e progresonan cu a ogra desde nan prome combersacion na mei di e aña aki. Segun e mandatario, un solucion conhunto por yuda e tres islanan enfrenta nan retonan comun y procesa desperdicio di un manera mas eficiente y sostenibel.

Title: Salario Minimo
Runtime: 4:33
Date posted: 6 days ago
Description: Prome Minister Mike Eman hunto cu Minister Wendrick Cicilia y un delegacion a reuni na Hulanda cu diferente lidernan di partidonan Hulandes como tambe instancianan gubernamental, pa asina haya sa e opinion riba e plan di e aumento di salario minimo y con, segun plan do gobernacion, a hinca esaki den otro.....E debate tocante aumento di salario minimo y e "bestaansminimum" ta pone atencion riba con prosperidad economico por beneficia henter comunidad Arubano. Cu turismo como un di e motornan principal di nos economia, ta importante pa e entrada genera den e sector aki contribui tambe na mehoracion di calidad di bida di tur ciudadano. Tanto na Aruba como na Hulanda, e discusion ta enfoca riba e necesidad di conecta crecemento economico cu bienestar social y reduccion di pobresa. Prome Minister Eman y Minister Cicilia ta indica cu e opinion di varios lider y instancia ta keda enfocá riba e comunidad di Aruba

Title: Telenoticia 27 October 2026
Runtime: 47:06
Date posted: 6 days ago
Description

Title: MEP Update HOFA
Runtime: 2:42
Date posted: 7 days ago
Description: Durante Conferencia di Prensa di Fraccion MEP, Parlamentario Evelyn Wever-Croes, a duna un update tocante e ley di reino HOFA, mirando cu Gobierno mes no ta mantene comunidad di Aruba altanto di e negosacion nan andando cu Hulanda tocante ley HOFA.

Title: Stiching Musica
Runtime: 5:17
Date posted: 7 days ago
Description: Aruba Caiso & Soca Monarch pa Carnaval 73 ta cla pa habri temporada di musica y competencia desde luna di november. Presidente di Stichting Musica, Edwina Werleman, a splica durante un entrevista cu e prefinalnan ta cuminsa dia 11 di november 2026, mientras cu e Calypso Showdown ta tuma lugar 22 di januari 2027 y Soca Finals ta programa pa dia 23 di januari 2027. Pa motibo cu e temporada di Carnaval 73 ta mas cortico, e pre final nan ta mas tempran e biaha aki.

Title: HopeAruba Universidad
Runtime: 3:38
Date posted: 7 days ago
Description: Recientemente HopeAruba Movement a organisa un "Youth Think Tank" na Universidad di Aruba, caminda a invita un grupo di hoben entre 16 y 28 aña, pa asina comparti nan ideanan y preocupacionnan tocante futuro di Aruba pa aña 2050. E actividad a brinda espacio pa dialoga riba retonan importante, incluyendo vivienda, economia, cambionan demografico y bienestar social. E iniciativa tin como meta di scucha e voz di hobennan y involucra nan den buskeda di solucionnan pa e retonan cu Aruba ta enfrenta.

Title: AVP Salario Minimo
Runtime: 4:40
Date posted: 7 days ago
Description: Durante rueda di prensa cu Parlamentario Clifford Heyliger ta splica mas tocante e discucion cu tin ultimamente cu e tema di e aumento di salario minimo. Ademas e la agrega cu segun investigacion un total di 20.525 trahado cu ta gana salario bou di e "bestandsminimuum".

Title: AVP Turismo
Runtime: 2:51
Date posted: 7 days ago
Description: Durante rueda di prensa cu Parlamentario Jennifer Arends Reyes a splica mas tocante un futuro pa cu Turismo, y cu esaki ta un proceso. Ademas e la agrega cu lo reuni cu triple A pa asina comparti visionnan y pregunta pa cu Turismo.

Title: 1ste Kamer Salario Minimo
Runtime: 2:40
Date posted: 7 days ago
Description: Presidente di Comision di Relacionnan den Reino di Eerste Kamer, Paul Rosenmöller, a expresa su aprecio pa e plan di Gobierno di Aruba pa aumenta salario minimo di Afl. 2.100 te 2.600 florin den tres fase. E declaracion a sigui despues di un reunion cu Prome Minister Mike Eman na Den Haag, caminda a dialoga tocante desaroyo economico, bienestar social y reduccion di pobresa na Aruba.

Title: CDA Salario Minimo
Runtime: 1:12
Date posted: 7 days ago
Description: Durante e combersacion entre Prome Minister Mike Eman y lider di CDA, Henri Bontenbal, a enfoca riba e esfuersonan pa aumenta salario minimo na Aruba y importancia di conecta crecemento economico cu bienestar social. Segun Bontenbal, prosperidad economico mester beneficia tur ciudadano y contribui na mas siguransa financiero pa famianan Arubano.

Title: Internacional oct 27
Runtime: 4:31
Date posted: 7 days ago
Description: Presidente Luis Abinader a informa cu den e frontera cu Haiti tin un siguridad grandi y cu e no lo permiti cu grupo teroristanan Haitiano yega menos di 20 kilometer di e frontera. Y, segun autoridnan di Brasil Flavio Bolsonaro a bandona e pais y ta na caminda pa Merca. Su salida ta genera controversia, mirando cu Corte Supremo di Brasil a prohibi Bolsonaro di biaha pa exterior pa motibo di investigacionnan relaciona cu posibel labamento di placa y corupcion cu fondonan di eleccion. Fabiola Angela Hernandez tin e siguiente detayenan.

Title: Min Pres encuentro CDA
Runtime: 3:55
Date posted: 7 days ago
Description: Durante su bishita na Hulanda, Prome Minister Mike Eman a sostene un encuentro cu Henri Bontenbal, lider di partido CDA y di su fraccion den Tweede Kamer na Den Haag. E combersacion a enfoca riba importancia di conecta crecemento economico cu bienestar social, pa percura cu prosperidad realmente beneficia tur ciudadano. Tambe a dialoga tocante relacion historico entre AVP y CDA, y e papel importante cu e partido Hulandes ta hunga den coalicion di Gobierno na Hulanda.

Campeonato Division Honor 2026-2027: Deportivo Nacional vs Britannia

Title: Campeonato Division Honor 2026-2027: Deportivo Nacional vs Britannia
Runtime: 2:18:46
Date posted: 7 days ago
Description

Title: Telenoticia 26 October 2026
Runtime: 57:45
Date posted: 7 days ago
Description

Title: Nos Mainta 26 October 2026
Runtime: 2:00:50
Date posted: 8 days ago
Description

Title: Internacional 26 oct
Runtime: 3:55
Date posted: 8 days ago
Description: Lula da Silva a bira pa di cuater biaha presidente di Brasil, segun resultadonan electoral, Lula a gana eleccion presidencial cu un 51,74% di voto. Y Bolsonaro a logra haya 48,26% di voto. Ademas, Lider di oposicion Venezolano Maria Corina Machado a bolbe Venezuela despues di mas di 9 luna den exilio. Segun informacionnan, su bishita ta genera un expectativa grandi na Venezuela como tambe un cantidad di persona a sali riba caya pa mustra nan sosten na Maria Corina Machado. Fabiola Angela Hernandez tin e siguiente detayenan.

Title: Bolas
Runtime: 1:57
Date posted: 8 days ago
Description: Den fin di siman a tuma lugar un competencia di bolas na Centro di Bario Playa Pabou, reuniendo hungadornan den un ambiente di deporte y competencia. Nos a combersa cu Leroy Manuela, organisador di e evento, y Kenneth Simmons, presidente di Centro di Bario Playa Pabou, pa conoce mas di e actividad y su importancia pa comunidad.

Title: Certificado WMF
Runtime: 1:57
Date posted: 8 days ago
Description: Despues di su victoria na e campeonato di Muay Thai na Mexico riba 2 di oktober, Arjen la Moria a ricibi su certificado oficial durante un rueda di prensa. E certificacion ta forma parti di e rekisito cu e federacion internacional ta exigi. Nos a combersa cu Roony Boye, representante di World Muay Thai Federation na Aruba, y Arjen la Moria pa conoce mas di e logro deportivo aki y e importancia di e reconocimiento oficial.

Title: Futbol fin di siman
Runtime: 1:28
Date posted: 8 days ago
Description: Diabierna ultimo, Arubaanse Voetball Bond a duna inicio na e Campeonato 2026-2027 cu un desfile na Centro Deportivo Guillermo Prospero Trinidad caminda esnan mas chikto te na "hoofdklas" tabata presente na e desfile. Nos di Telenoticia a hiba un entrevista cu Michelle Every, Miembro di Directiva di AVB, caminda ta elabora riba e desfile y tambe duna un resumen di e weganan cu a tuma lugar den fin siman.

Title: Quota fiesta
Runtime: 2:34
Date posted: 8 days ago
Description: Den fin di siman tras di lomba, Quota International Aruba tabatin nan fiesta annual p'asina recauda fondo y sigui cu proyectonan cu ta organisa pa e comunidad di Aruba. Den un entrevista cu presidente actual di Quota, Farida Feliciana-Figaroa, ta elabora mas riba e recaudacion aki, pero tambe kico tur nan ta hasi pa duna bek nan e comunidad di Aruba

Title: Ban Peg'e Puzzel
Runtime: 2:20
Date posted: 8 days ago
Description: Den fin di siman a tuma lugar un evento diferente: un competencia di puzzel caminda participantenan di diferente edad a midi nan habilidad, concentracion y rapidez. Organisador di e evento, Rachelle Goedgedrag ta conta nos mas di e iniciativa aki y con e competencia a desaroya.

Title: Bestial Howloween Costume Celebration
Runtime: 2:38
Date posted: 8 days ago
Description: Creatividad, disfraznan original y hopi entusiasmo por a mira den e di 7 edicion di Bestial "Howl-o-ween Costume Party" hunto cu e marca di e cuminda pa mascota mas nutritivo riba mercado, esta Purina. E evento a reuni doñonan cu nan cachonan den un celebracion special di Halloween, cu tambe a contribui na sosten di "Nine Lives Foundation". E actividad ainda ta sigui cu un votacion publico pa scoge e cacho cu e disfraz mas popular y su ganadornan lo ser anuncia dia 31 di october.

Title: DAS IK
Runtime: 1:50
Date posted: 8 days ago
Description: Durante entrevista cu Marceylaine Paskel di DAS a informa cu ta orguyoso cu e exito di e programa “In the Picture’ di Fundacion Ja Ik na unda un grupo di 19 perosna a sigui e curso y a drenrta mercado laboral y esaki ta algo importante.

Title: ACF Tour Opreators
Runtime: 2:18
Date posted: 8 days ago
Description: Jeep y tour operatorsnan cu ta opera den Parke Parke Arikok lo haya oportunidad di participa na cursonan di preparacion y certificacion, pa asina por conoce miho e reglanan y opera di un manera responsabel. Den un entrevista, Tyson Lopez di Aruba Conservation Foundation ta brinda mas informacion tocante e iniciativa aki y e importancia di prepara operadornan pa nan actividadnan den parke

Title: ACF Marina Park
Runtime: 2:48
Date posted: 8 days ago
Description: E tema di Parke Marino ta genera preocupacion entre algun piscador na Aruba, specialmente tocante e posibel impacto riba actividadnan di pesca. Den un entrevista, CEO di Aruba Conservation Foundation, Tyson Croes, ta brinda mas claridad tocante e iniciativa aki, su proposito y e diferente aspectonan cu ta importante pa tanto piscadornan como conservacion di nos ambiente marino

Title: DVG Premio
Runtime: 2:34
Date posted: 8 days ago
Description: Durante un conferencia di DVG hunto cu Ministerio di Salud a haci entrega di premio na 12 ganadonan di e competencia di arte escolar “Doño Responsabel”. Jurette Croes di DVG a informa cu e competencia a conta cu un participacion di 725 pintura di 17 difernete scol basico.

Title: Santa Rosa 50 aña
Runtime: 3:05
Date posted: 8 days ago
Description: Santa Rosa a conmemora 50 aña di existencia cu un celebracion special dedica na agricultura, artesania y produccion local na Aruba. E evento a reuni diferente artesano y productor cu a presenta nan productonan, brindando publico un oportunidad pa sostene sector local. Minister di Sector Primario, Geoffrey Wever tambe tabata presente na e celebracion y a comparti su vision tocante importancia di Santa Rosa y su contribucion na desaroyo di agricultura na nos isla.

Title: Salud Mental
Runtime: 3:14
Date posted: 8 days ago
Description: Durante un entrevista cu Minister di Salubridad Publico Sra. Mervin Wyatt Ras, ta toca e topico di salud mental como tambe e ultimo desaroyo nan pa trata e problema nan di salud mental den nos comunidad. Minster Wyatt Ras ta elabora lo siguiente...

Title: Min Pres na FRED Expo
Runtime: 4:01
Date posted: 8 days ago
Description: Prome Minister Mike Eman, hunto cu Minister Wendrick Cicilia, a participa na e FRED Expo na Rotterdam, Hulanda, caminda nan a presenta e oportunidadnan di trabou y desaroyo profesional cu Aruba tin pa ofrece. Durante e evento, Prome Minister Eman a haci un yamada na profesionalnan Arubano na Hulanda pa considera di bolbe nan isla, enfatisando cu e decision aki no ta trata solamente di trabou, sino tambe di famia, amistad y e oportunidad di contribui na futuro di Aruba.

Title: Campus of Fears
Runtime: 3:15
Date posted: 8 days ago
Description: Ora scuridad cay... e “nightmare” ta cuminsa! Porta cu ta habri, gritonan den scuridad y tur spanto cu ta spera bo cu cada paso. EduCampus ta prepara pa transforma den un mundo di teror cu “Campus of Fears”, diabierna 30 di october. Un anochi caminda bo mester hopi curashi, pero tur, pa un bon causa: brinda alegria na mucha y hobennan di Aruba durante temporada di fiesta. Pero tene cuenta... un bes bo drenta e cas di spirito, bo no sa kico ta sperando bo.

Title: Primera Plana 26 de Octubre 2026
Runtime: 29:45
Date posted: 8 days ago
Description: FUERTE ACCIDENTE EN SANTA HELENASTRAAT
FRED EXPO 2026 UN ÉXITO EN HOLANDA
LULA DA SILVA GANÓ LAS ELECCIONES EN BRASIL
MARIA CORINA MACHADO LLEGA A VENEZUELA